للبيع يارس 2013

سلام عليكم للبيع تويوتا يارس 2013 اقرا الاعلان بالملي اخي المشاهد وابراء لذمتي مابغى اغش احد تويوتا يارس 2013 اللون رصاصي استخدام شخصي مشاوير يوميه سياره معاك اشهد بالله انها ماتقول لك لا . السياره فيها رشوش وفيها معجون وهذا شي طبيعي لمركبة استخدام شخصي فالمدينه والخطوط فيها قص ( مقداره 5 سانتي في ركبه باب اللي ورا المعاون خلفي بسيط للغاي والمشتري راح اعلمه مكانها بالضبط السياره غرقانه في سيول جدة وهذا شي طبيعي قضاء وقدر لاكن لايجيني واحد يقول ماتسوى سياره لها 4 سنين تمشي ولا عليها خلاف ( غرقانه ) كلمه شريطيه عشان يكسرون قيمتها السياره كفو لاكن يحتاج لها بعض الصيانات الاستهلاكيه المكينه فيها تفتفه وتبخير اتوقع والعلم عندالله يبي لها مكينه قيمتها بحدود 1900 ريال امورها الباقيه تمام الموتر للمشاوير اليومية السياره محشومه مكروفه لاكن يبي لها بعض القطع الاستهلاكيه انا والله انها ماتهون علي لاكن شريت موتر غيرها ولا عاد احتاجها وهذا سبب البيع ونسيت اعلمكم قد سويت فيها حادث شمل رفارف الخلفيه ورفرف المعاون وجاء المرور شكله مكثر عشى ولبن ذاك لليوم وحط الحادث ( انقلاب ) مركبه وهو كذاب وللمشتري احقيه الفحص التنده بلد والقوايم بلد الفحص منتهيه والاستماره منتهيه وكلها على المشتري هذا علمني وسلامتكم ياغالين والسياره على السوم البيع مستعجل وان ماجابت قيمتها اللي في خاطري خلها تقعد عندي وفلوس الرجال تقعد عنده