قطة سكوتش تهبل دلع ولطافة

( للبيع فقط وليس تبني ) للناس اللطيفة محبة القطط .. عندي لكم قطة مو زي اي قطة ابداً نوعها : من افضل وارقى سلالات القطط سكوتش فولد 🥰 ولونها : اورنج مع ابيض وذهبي تفكرك بلحظات الغروب 🌆 عيونها : اورنج عسلي جميلة ع قولتهم تأسرك من اول نظرة 😍 شخصيتها حلوة ولطيفة ودلوعة تحب الدلع والاهتمام وتتعلق بصاحبها وتحبه بشكل مو طبيعي .. وعاد شيء مايتخبى و واضح من لونها الاورنج يعني فيوز دماغها فاصلة ومجنونة وقت اللعب تحب لعبة السنارة و الليزر والنفق مرة فيها روح صياد ساكنتها ومؤخراً في 1 اغسطس صارت احلى واحنّ وألطف قطة ام بالعالم وجابت كتنز رمادي جميل لطيف صغنن يشلع القلب مميزاتها ما تتفوت: * تربية ملكية ونظافة عالية : مربيتها ومن هي كتن عندي ومهتمة فيها و متعودة على الليتربوكس وتعرف تنظف نفسها . * اجتماعية وتحب الناس: تتأقلم بسرعة مع العائلة، وتحب اللعب معهم وترى فيها عرق لقافة قووي تحب الاستكشاف . زي ماقلت لكم صحتها ممتازة لأني اعتني بها لكن عندها من هي صغيرة حساسية من الأتربة و الغبار بس لا تخافوا مافي شيء خطير لا على صحتها ولا على صحتكم .. هو بس لو شمت غبرة ولا تراب حتجلس تعطس وينسد انفها شوي .. عشان كدا مهم تكون في بيئة ومكان نظيف جدًا. صورها موجودة بالاسفل اول صورة كانت قبل شهرين ونص ( قبل الحمل والولادة ) كانت تختوخة اما الصورتين التانية حديثة لها بتاريخ 5 اغسطس ونحفانه شوي بسبب الرضاعة شرط الي بياخذها يكون إنسان كبير و واعي يعرف يهتم بالقطط ويخاف الله فيها ولا يرميها بالحر او الشارع شريتها بـ 2750 ﷼ و ببيعها بـ 1500 ﷼ لوحدها اما الكتن لوحده بـ 800 ﷼ لكن لايباع إلا بعد الفطام يعني يصير عمره 40 يوم إذا حاب تأخذ الأم والكتن سوا .. هذا الخيار الافضل بالنسبة لي لانه ماودي افرقهم لذلك الاتنين سوا بـ 1800 ﷼+ كيلو دراي فود + كيلو رمل سبب البيع : بيبي اخوي عنده حساسية من كل الحيوانات السعر قابل للتفاوض بس مع الصاملين و الجادين وترى في توصيل لين باب بيتكم بس على المشتري لا تفوتها والله انها بسة جميلة وحلوة وأحبها ولو بيدي مافرطت فيها لكن مضرة ومستعجلة عشان البيبي الجديد . للتواصل والاستفسار، أرسل رسالة على الخاص / او الواتس أب منعاً للإحراج لا استقبل مكالمات