النترا 2018 فل نظيفه جدا للمستخدم

النترا موديل 2018 فل بدون بصمه ممشاها 392 الف كم مجدد ومفحوص الموتر محركاته وكاله البدي وكاله فقط يوجد ملاحظات بسيطه الرفرف الامامي اليمين فيه تعديل وموضح في الصور الباب الخلفي يمين مغير وكاله والصدام الخلفي مرشوش الرفرف الخلفي يمين فيه رش ومعجون جزء بسيط منه وجميعها من المالك السابق اتضحت اثناء الفحص عند الشراء بالاضافه إلى تغيير جرم القير وكاله ( الجرم فقط ) لانه ضرب في حجره ام القير وكاله لمبة المكينه تولع وتطفى مع اني غيرت كل شي وسويت تصفيه كامله للموتر كلها قطع وكاله ولما تواصلت مع الوكاله قالو هذا عيب مصنعي يبغى لها برمجه او تحديث وتكلف 345 ريال شامل التربيط لو تحتاج السياره تربيط . الموتر للامانه نظيف جدا والمستخدم بيدعي لي والشاهد الله اني حرصت اذكر كل شي بالموتر ابراءاً للذمه مع العلم إنها أشياء لاتعيب الموتر آخر سومه وقف عليها الموتر 38والبيع قريب جداً والصامل ماني مختلف معه ومااحلل من يبخس الموتر اللي عنده زود يحط سومته والله يكتب اللي فيه الخير